Лава

[gipsylilya]

Лава хачькирэна чиб –
Камэна тэ джян аври.
Лава на шунэн ничи,
Ушта дандырэн, кэри
Порты дро муй миро,
Фэнштры пирдал чямья;
Мангэна ман сыр чёро,
Хана сыр пушумья,
Чинэна мирэ якха,
Марэна миро йило,
Мандэ дро ди дукхан,
Про ангушта калён.
Лава ракирэна раты,
Тэ совав на мэкэн,
Пэр тасавэн сыр кустык,
Жарискирэна букэ,
Годлякирэна, кошэн
Тэ сыкавэна чюри —
Просто камэн тэ нашэн,
Просто камэн аври.